Қобда аудандық ауруханасы қызметкерлері арасында коронавируске қарсы екпе

Қобда аудандық ауруханасы қызметкерлері арасында коронавируске қарсы екпе салдырудың 1 кезеңі басталды. Медициналық қызметкерлерге ресейлік Sputnik V вакцинасы салынды. Жалпы тәжірибелі дәрігерге қаралып, қарсы көрсетілімдері болмаған соң ерікті түрде салдырды. Вакцина алғаннан кейін 30 минут бойы дәрігер бақылауында болды. Екпеден қорқудың қажеті жоқ. Қазіргі күні індеттен құтылудың жалғыз жолы-осы. Егер бәріміз екпе алатын болсақ, ұжымдық иммунитет қалыптасады. Соңғы аптада коронавирус жұқтырғандардың саны көбейді. Вакцинаны 18 жасқа толған ел азаматтары ғана салдырады. Вакцинация - қарсы көрсеткіші жоқ адамдарға егуге рұқсат етілген. Екпе алдында дәрігер пациентті міндетті түрде тексереді. Адам алдымен вакцина жайлы толық ақпарат алады, кейін жазбаша келісімге немесе профилактикалық егуден бас тарту туралы құжатқа қол қояды. Екі сатылы вакцина арасындағы интервал 21 күн.
Вакцинамен ең алдымен медицина қызметкері қамтылып, кейін мұғалімдер, мектепке дейінгі мекемелердің педагогтары, ТЖМ, ІІМ, қорғаныс министрлігі, мемлекеттік күзет қызметі және өзге де салалардың мамандары қамтылатын болады.